PMI မှ social media သင်တန်းအား ဧရာ၀တီတိုင်း ၊ ဘိုကလေးမြို့တွင် ဂျူလိုင် လ ၂၉ ရက်မှ ၃၀ ရက်နေ့အထိ ၂ရက်တာ ကျင်းပပြုလုပ်ခဲ့ပါသည်။ ထိုသင်တန်းတွင် လူငယ် ၃၈ ဦး (ကျား ၁၂ ဦး၊ မ ၂၆ ဦး) တက်ရောက်ခဲ့ပြီး social media အား အကျိုးရှိစွာ အသုံးချရန် နှင့် အမုန်းစကားများအား တားဆီးရန် အစရှိသော အကြောင်းအရာများအားဆွေးနွေးခဲ့ပါသည်။

PMI မှ facebook နှင့် ပူးပေါင်း၍ Strategic Messaging Workshop အား ရန်ကုန်မြို့ Park Royal ဟိုတယ်တွင် ကျင်းပပြုလုပ်ခဲ့ပါသည်။ ထို Wrokshop တွင် PMI မှ EC နှင့် member များ၊ ဘာသာရေးခေါင်းဆောင်များ နှင့် Social influencer များ တက်ရောက်ခဲ့ပါသည်။ ရန်ကုန်တိုင်း၊ မန္တလေးတိုင်း၊ ရခိုင်ပြည်နယ်၊ ရှမ်းပြည်နယ်၊ ဧရာ၀တီတိုင်း၊ စစ်ကိုင်းတိုင်း၊ မွန်ပြည်နယ် နှင့်တနင်္သာရီတိုင်းမှ ကျား ၁၈ ဦး နှင့် မ ၇ ဦး စုစုပေါင်း ၂၅ဦးတက်ရောက်ခဲ့ပါသည်။

စက်တင်ဘာ လ ၁၇ ရက်နေ့ မှ ၂၀ရက်နေ့ အထိ Advanced TOT ကို ယခင် TOT တက်ရောက်ဖူးသူ များအနက် လျှောက်လွှာတင်သွင်းသူများအား စနစ်တကျ ရွေးချယ်ပြီး သင်တန်းသားဟောင်း ၁၉ ဦး (ကျား ၁၃ဦး၊ မ ၆ ဦး)ဖြင့်IRD စင်တာတွင်ပြုလုပ်ခဲ့ပါသည်။ ထိုသင်တန်းအပြီးတွင် သင်တန်းသားများမှ Facebook group များ ဖွဲ့စည်းခဲ့ကြပြီး PMI နှင့် alumini များပူးပေါင်းဆောင်ရွက် နိုင်မည့် လုပ်ငန်းများကို ဆွေးနွေးခဲ့ကြပါသည်။ ထို့ အပြင် သင်တန်းသားများမှ အပြည်ပြည်ဆိုင်ရာ ငြိမ်းချမ်းရေး အခမ်းအနားတွင် စေတနာ့ဝန်ထမ်းများ အဖြစ် ကူညီခဲ့ကြပါသည်။

မြန်မာနိုင်ငံတွင် လာမည့် ၂၀၂၀ ခုနှစ် ရွေးကောက်ပွဲမတိုင်မီ ဖြစ်ပေါ်လာနိုင်သည့် သတင်းအမှားများ ဖြင့် လှုံ့ဆော်မှု များ ကြောင့် အကြမ်းဖက်မှုများအား တားဆီးရန်အတွက် PMI သည် ပြဇာတ် အငြိမ့်တို့ ဖြင့် လူထုအား ပညာပေးရန်အတွက် လူထုအတွင်း လုပ်ငန်းစဉ်များ ဆောင်ရွက်နေသော မုံရွာ၊ မင်းတပ်၊ မော်လမြိုင် နှင့် မြိတ် မြို့မှ အဖွဲ့ ၄ ဖွဲ့အား ဖိတ်ခေါ်ပြီး IRD စင်တာတွင် သင်တန်းများ ပေးပို့ခဲ့ပါသည်။ယခုသင်တန်းအား PMI မှ EC တစ်ဦးဖြစ်သူ ဆရာ မန်းပါမာစတန်မှ ဦးဆောင်၍ပုံစံရေးဆွဲကာ သင်ကြားပေးခဲ့ပြီး အဆိုပါ သင်တန်းတွင် တစ်ဖွဲ့ လျှင်အဖွဲ့ဝင် ၅ဦး စီဖြင့် စုစုပေါင်း လူဦးရေ ၂၀ ဦး တက်ရောက်ခဲ့ပါသည်။ ယခု သင်တန်းအပြီးတွင် PMI မှ အဆိုပါ အဖွဲ့များအား လူထုအတွင်း အသိပညာပေး ပြဇာတ် အငြိမ့် များ ကပြသွားရန်အတွက် စီမံကိန်းထောက်ပံ့ငွေ များပေးအပ်သွားမည်ဖြစ်ပါသည်။

မတူကွဲပြားမှုများကို လက်ခံစေရန် နှင့် ဘာသာပေါင်းစုံ ညီညွတ်ရေး တွက် ဇာတ်လမ်းတိုပြိုင်ပွဲကို ဂရုဏာရှင်များအဖွဲ့ (မန္တလေး) နှင့် PMI တို့ ပူးပေါင်းကာ လူအချင်းချင်း ခွဲခြား ဆက်ဆံမှုများ ပပျောက်စေရန် နှင့် မျိုးဆက်သစ် Short film creators တို့ ထွက်ပေါ်လာစေရန် ရည်ရွယ်ပြီး ဇွန်လထဲတွင် စတင်ပူးပေါင်းပြုလုပ်ခဲ့ပါသည်။ ယခုအခါ ပြိုင်ပွဲဝင် ဇာတ်လမ်းတိုများအား လက်ခံလျက်ရှိပြီး ထို ဇာတ်လမ်းတိုများအား ကျွမ်းကျင်ပညာရှင်များမှ ရွေးချယ်ကာ ဆုများ ချီးမြှင့်ပေးသွားမည် ဖြစ်ပါသည်။

အာရှအလင်းရောင်ကျောင်းတိုက် တွင် ဘာသာလူမျိုးစုံကောလိပ်တည်ထောင်ရန်အတွက် အကြိုပြင်ဆင်ခြင်းကို ဩဂုတ်လမှ စတင်၍ ဆရာတော် ၏ လမ်းညွှန်မှုအား ခံယူပြီးECများဖြစ်သော ဆရာဦးနေဝင်း၊ ဆရာဦးဇော်သန်း နှင့် KAICIIDမှ မြန်မာ့အရေးကျွမ်းကျင်သူ ဦးဟယ်ရီမျိုးလင်းတို့မှ သင်ရိုးရေးဆွဲရေးဆိုင်ရာ အကြံပေးများဖြစ်သော ဒေါက်တာမိုက် နှင့် ဆရာဖာဂျိုင်း ၊ မဟာဗျူဟာ နှင့် စီမံအုပ်ချုပ်ရေး ဆိုင်ရာ အကြံပေးဖြစ်သော ဒေါက်တာစိုင်းကြည်ဇင်စိုး၊ ဒေါ်ခင်အေးဟန် တို့ နှင့် အတူ ဆောင်ရွက် အကောင်အထည်ဖော်လျက် ရှိပါသည်။ ပြင်ဆင်ခြင်း လုပ်ငန်းစဉ်များအဖြစ် MIT နှင့် မုဒ်ဦးပညာရေးတို့ နှင့်လည်းတွေ့ဆုံခဲ့ပါသည်။ ၂၀၂၀ခုနှစ် ဇန်နဝါရီတွင် သင်ရိုး နှင့် မဟာဗျူဟာ မူကြမ်းထွက်ပေါ်ပြီး PMI အဖွဲ့ဝင်များ နှင့် ဆွေးနွေး အတည်ပြုရန် ဦးတည်ထားပါသည်။

မေလ ၁၃ ရက်မှ ၁၇ ရက်နေ့အထိ U4U အဖွဲ့မှ ဦးဆောင်ပြုလုပ်သည့် လူငယ် Peace camp အား PMI နှင့် UN Volunteers အဖွဲ့မှလည်းပူးပေါင်း၍ ရန်ပုံငွေထောက်ပံ့ခဲ့ပါသည်။ ထို လူငယ် camp အား စစ်ကိုင်းပညာရေးတက္ကသိုလ်တွင် ပြုလုပ်ခဲ့ပြီး နိုင်ငံအနှံ့မှ လာရောက်တက်ရောက်သူ လူငယ်စုစုပေါင်း ၂၈ဦး (ကျား ၁၄ဦး၊ မ ၁၄ဦး) ရှိခဲ့ပါသည်။ ထိုသင်တန်းတွင် တက်ရောက်သူ လူငယ်များမှ ဒိုင်ယာလော့ဒ် နှင့် ငြိမ်းချမ်းရေး ဖြစ်စဉ်များအား လည်း အဓိကထား ဆွေးနွေးသွားခဲ့ကြပါသည်။